اشعارتنفع تكون مسجات ......

مرحبا والطيب ماننسى مجاله"

للحبيبه اللي لها قدر وقيمه"

مرحبا ترحيبه فيها جزاله"

بالقلوب اللي نواياها سليمه"

ياوريث العود كساب الجماله"

ياعسى الجنه لمن جابك غنيمه"

---

جتلك بيوت الشعر من عذب الاحساس
والشعر مايوفي مزاياك كله
لك بالحشا ود علا غير مقياس
غيرك ولووصل القمر ماوصله غلاك
عندي فارق عن غلا الناس حتا لوخذو بعضه لك القلب كله

---

لي صاحبن يا ناس من البشر لا تعدوه
احبه عدد ما يمر السحاب وتهل مزونه
لي حبيبن لو شفتوا القمر تشوفوه
غاوي كل هالناس بحلاه وزيونه
اذا شفتوا حبيبي اسم الله عليه ذكروه
اخاف تصيبه عين وتحسدونه
حبيبن من عشاق سالف الازمان عدوه
راعي الاصاله والشهامه لو تعرفونه

---

سلام ياكاسب غلا كل مغليك...
يامالك زمان المراجل بيمانك...
الطيب ساسك والعرب عزها فيك...
لا ضاعت علوم الرجاجيل تنصاك...
ربعك تفاخر وتفتخر بطاريك...
لاهان ذاك اللي على الطيب رباك

---

ودي أكون البحر لك وانت لي سيـــف
وأكون لك .. عمرك وقرة عيونـــــــك

وأصير لك ديوان شعر .. وتوصيـــــف
وفي وسط صحرا الحب تهطل مزونك

لا تخاف لا ما فيه .. شك وتخويــــــــف
انا معك في رحلة العمر .. عونــــــــك

نضمت عمري عقد .. لاتقول لي كيف ؟
أيام عمري مالها .. طعم دونـــــــــــــك...

---

سر يا قلم و أكتب من المدح ما طاب
في الي جزيل المدح يستاهلونه
ناس مزايين و الرجا فيهم ما خاب
الروح و القلب فدى لهم لو يطلبونه
و أكتب لهم شيك محبه مفتوح الحساب
يسحبون من رصيد الغلى و أبد ما ينقصونه

---

لو أكتب إحساسي بالأشعار وأبديه..
فيك المشاعر كيف بس أختصرها..
قدرك كبير ويعجز الشعر يوفيه..
كل القصايد فيك ينضب بحرها..
أرفع يديني وأسأل الله وأرجيه..
ينجيك من شر الحياة وكدرها..

---